د. فازڵ نەبی بریكاری پێشووی وەزارەتی دارایی عێراق رایدەگەیەنێت، لە بابەتی بودجەدا بەغداد دەیەوێت قەوارەی هەرێم بچووك بكاتەوە بە داخەوە برادەرانی ئێمەش سەركەوتوو نەبوون لە پرسی بودجەدا، ئێستاش كێشەكە لەوەدایە بەغداد دەیەوێت خۆی راستەوخۆ لە وەزارەتی دارایی عێراقەوە مووچەی فەرمانبەرانی هەرێم بدات، بەڵام هەرێمیش دەڵێت، “دوای هەمواری یاسای بودجە دەبێت پارە بێتە هەرێم و خۆم مووچە دابەشبكەم، جا بەغداد ئێستا داوای وردەكاریی سەرجەم فەرمانبەرانی هەرێم دەكات نەك تەنها ناوەكان، بەڵام هەرێم رەنگە ئامادە نەبێت ئەوە بكات.
دەشڵێت، “ئومێدەوارم كێشەی مووچە چارەسەرببێت چونكە بڕیاری ئەنجومەنی وەزیران هەبووە بۆ ناردنی مووچەی فەرمانبەران ئەگەر وەك ئەو چەند ڕۆژەی پێشوو گرفتی تر دروستنەكەن، ئەمە چارەسەردەبێت، بەڵام كێشەی بودجەی هەرێم و هەناردەكردنەوەی نەوتی هەرێم وا بە ئاسانی نابینم چارەسەربێت”.
