لە قەزای ناوەندی سۆران، بەهۆی سۆپای نەوتەوە لە ماڵێک ئاگرکەوتەوە.
بەڕێوەبەرایەتیی بەرگریی شارستانیی سۆران بڵاویکردەوە، ئەمڕۆ چوارشەممە ئاگادارکراینەوە کە رووداوێکی ئاگرکەوتنەوە هەیە لەگەڕەکی بارزان لە قەزای ناوەندی سۆران، تیمی ئاگر کوژێنەوەی بنکەی بەرگریی شارستانیی سۆران دەرچوو بۆ شوێنی رووداو، دوای گەیشتنیان توانیان ئاگرەکە بکوژێننەوە و زیانەکانیش کەمتر بکەنەوە.
لە بارەی زیانەکانەوە بەڕێوەبەرایەتییەکە دەڵێت، بە پێی راپۆرتی تیمی ناوبراو، جیا لە زیانی ماددی هیچ زیانێکی گیانی بە دواوە نەبوو.
