وتەبێژی فەرماندەی هێزە چەکدارەکانی عێراق رایگەیاند، پێویستە هاوپەیمانی نێودەوڵەتی پارێزگاری لە ئارامی و ئاسایشی عێراق بکات، دەشڵێت، “وەك دووژمنكاری مامەڵە لەگەڵ هێرشەکانی ئەمریکا دەکەین.”
ئەمڕۆ چوارشەممە، لیوا یەحیا رەسوڵ وتەبێژی فەرماندەی هێزە چەکدارەکانی عێراق داوای لە هاوپەیمانان کرد سەروەری و ئارامی و ئاسایشی عێراق بپارێزن، چونکە تێکدانی ئارامی عێراق ساڵانێک لە هاوکارییەکانی هاوپەیمانان تێکدەدات.
وتەبێژەکەی فەرماندەی هێزە چەکدارەکان ئەوەشی وتووە، “ئەمریکا هێرشی ئاسمانی ئەمریکا بۆ سەر شوێنەکانی یەکە سەربازییەکانی عێراق لە سوپا و هێزەکانی حەشدی شەعبی ئەنجامدەدات لە هەردوو ناوچەی جورف و نەسر و قائیم، ئەوەش کارێکە زیان بە سەقامگیری و ئاسایشی عێراق دەگەیەنێت.”
لیوا یەحیا رەسوڵ جەختی لەوەشکردووەتەوە، لەكاتێكدا وەك دوژمنكاری مامەڵە لەگەڵ ئەم هێرشانە دەكەن، هەموو رێگەیەک بۆ پاراستنی گیان و شكۆی عێراقیەكان دەگرنەبەر.
باسی لەوەشکردووە، لێکتێگەیشتن لەبارەی رۆڵی هاوپەیمانی نێودەوڵەتی و راوێژكارەكانی لە عێراق، هەنگاوی ئەرێنی بڕیووە بۆ رێکخستنەوەی پەیوەندییەكانی ئایندە، ئەم جۆرە كارانە وا تەماشادەکەین بۆ دروستكردنی رێگری و ئاستەنگ بێت لەبەردەم پەیوەندییەکانی ئایندە.
