وەزیری پەروەردەی هەرێم داوا لە بەرێوەبەری خوێندنگەکان دەکات سبەینێ سەرکۆنەی هێرشەکەی سەر هەولێر بکەن.
لە راگەیەندراوەکەی ئالان حەمەسەعید وەزیری پەروەردەی هەرێمدا هاتووە، بە مەبەستی سەرکۆنەکردنی تاوانی هێرشکردنە سەر هەولێری پایتەخت و بۆ ڕێزگرتن لە رۆحی پاکی شەهیدانی ئەو تاوانە و بریندارەکانی، رۆژی یەکشەممە لە گشت ناوەندەکانی خوێندنی حکومی و ناحکومی وەزارەتی پەروەردە، خولەکێک راوەستان لەگەڵ سروودی ئەی ڕەقیب بەر لە دەستپێکردنی وانەی یەکەم ئەنجام بدرێت.
داوایشیکردووە، بەڕێوەبەری ناوەندەکانی خوێندن وتارێک پێشکەش بکەن لەبارەی ئەو ستەم و تاوانە کە هیچ بیانوویەکی نەبووە و نییە، هەروەها جەخت لە گەیاندنی پەیامی خۆراگریی و ئیرادە بەرزی کوردستانیان و ئاشتیخوازی بکەنەوە.
