ئاژانسی هەواڵی سانای سوری بڵاویکردەوە، بەیانی ئەمڕۆ هێرشێک کرایە سەر یەکەیەکی نیشتەجێبوون لەناو دیمەشق و بە قسەی روانگەی سوری بۆ مافەکانی مرۆڤ، 5 کەس کوژراون و دەوترێت کۆبوونەوەی چەند کەسێکی نزیک لە ئێران بە ئامانج گیراوە.
ئاژانسی هەواڵی سانا دەڵێت، “باڵەخانەکە لە گەڕەکی مزەی دیمەشق بە ئامانج گیراوە و هێرشەکە لەلایەن سوپای ئیسرائیلەوە ئەنجامدراوە و ئەو باڵەخانەیەی بە ئامانجی گرتووە، لە نێوان کونسوڵخانەی ئێران و لوبنان دایە.
