لەنەخۆشخانەی ئیمامی کازم لە بەغداد، کەسێک تەقەی کرد و بەهۆیەوە کارمەندێکی نەخۆشخانەکە و پۆلیسێک برینداربوون.
وەزارەتی تەندروستیی عێراق لە راگەیاندراوێکدا بڵاویکردەوە، شەوی رابردوو کەسێکی نەناسراو لە نەخۆشخانەی ئیمامی کازم لەبەغداد تەقەی لە پۆلیسێک کردووە و برینداربووە.
باس لەوەش دەکات، هەر بەو هۆیەوە کارمەندێکی نەخۆشخانەکەش برینداربووە، کەسی تەقەکەر لەکاتێکدا ویستویەتی خۆشی بکوژێت لەلایەن هێزە ئەمنییەکانەوە گەمارۆدراوە.
لەراگەیاندراوەکەدا هاتووە، دەستبەجێ لێکۆڵینەوە لە رووداوەکە دەستیپێکردووە.
