پارێزگاری هەولێر رایدەگەیەنێت، بەهۆی هێرشەكانی شەوی رابردووی سەر شاری هەولێر لە ئەمڕۆوە بۆ ماوەی 3 رۆژ ماتەمینیی گشتی رادەگەیەنین.
ئومێد خۆشناو پارێزگاری هەولێر رایگەیاند، ئیدانەی ئەو هێرشەی شەوی رابردوو سەر شاری هەولێر دەكەین كە بەهۆیەوە چوار هاوڵاتی گیانیان لەدەستدا و 6 كەسی دیكەش برینداربوون و سەرەخۆشیی خۆمان ئاڕاستەی کەسوکاری قوربانییان دەكەین و لە خودای گەورە داواكارین بە بەهەشتی بەرین شادیان بكات و هیوای زوو چاكبوونەوە بۆ بریندارەكانیش دەخوازین.
هەر لە پەیامەكەی پارێزگاری هەولێردا هاتووە، “لە سنووری پارێزگای هەولێر لە ئەمڕۆوە بۆ ماوەی 3 رۆژ ماتەمینی گشتیی رادەگەیەنین”.
