راوێژکاری ئاسایشی نیشتمانیی عێراق رایگەیاند، ئەو بانگەشانەی باس لە بوونی بنکەی ئیسرائیلی دەکەن لە هەولێر بێ بنەمان.
قاسم ئەعرەجی راوێژکاری ئاسایشی نیشتمانیی عێراق رایگەیاند، چوونەتە شوێنی بەئامانجگیراو لە هەولێر و دەشڵێت، “ئەو تۆمەتانەی باس لە بوونی بنکەی مۆساد دەکەن لە هەولێر بێ بنەمان.”
ئەعرەجی ئاماژەی بەوەشداوە، بە یاوەری ئەندامانی لیژنەی لێکۆڵینەوە، ماڵی ئەو بازرگانە ئامانجدارەی شەوی رابردوویان لە هەولێر بەسەرکردەوە و دەشڵێت ئەنجامی لێکۆڵینەوەکان دەکەین بە راپۆرت و پێشکەشی سەرۆکوەزیرانی عێراقی دەکەین.
باسی لەوەشکردووە، لە کۆبوونەوەکان لەگەڵ دەزگا ئەمنییەکانی هەرێم، بەردەوام دەبن.
