قوباد تاڵەبانی ئیدانەی هێرشەکەی سەر هەولێر دەکات و رایدەگەیەنێت، “داوا لە هەموو لایەک دەکەم بۆ کۆتاییهێنان بە پێشێلکارییەکان یەکبگرن”.
قوباد تاڵەبانی، جێگری سەرۆکی حکومەتی هەرێم رایگەیاند، ئیدانەی هێرشی شەوی رابردوو بۆ سەر هاوڵاتییانی مەدەنی بێتاوان و ناوچە ئاوەدانەکانی هەولێری خۆشەویستمان دەکەم، پرسە و سەرەخۆشی قووڵی خۆم ئاراستەی بنەماڵەی هاوڕێم پێشڕەو دزەیی دەکەم کە لە هێرشی شەوی رابردوودا شەهیدکرا.
ئاماژە بەوەش دەکات، داوا لە هەموو لایەک، حکومەت و لایەنە سیاسیەکان دەکەم یەکبگرن و کۆتایی بەم پێشێلکارییانە بۆ سەروەری عێراق بهێنن.
