جارێکی دیکە خۆپیشاندانی مامۆستایانی ناڕازی لە چەند شار و شارۆچکەیەکی هەرێم دەستیپێکردەوە.
ئەمڕۆ جارێکی دیکە لە سلێمانی، هەڵەبجە، رانیە، کۆیە، چەمچەماڵ، شارەزوور و گەرمیان خۆپیشاندانی مامۆستایانی ناڕازی دەستیپێکردەوە.
مامۆستایان داوای مووچە و پلەبەرزکردنەوە و دامەزراندنی مامۆستایانی وانەبێژ دەکەن، ئەوان دەڵێن، “هەتاکو داواکارییەکانمان جێبەجێدەکرێت لەسەر شەقام دەمێنینەوە”.
ماوەی زیاتر لە چوار مانگە مامۆستایانی ناڕازی بایکۆتی هۆڵەکانی خوێندنیان کردووە.
