سەرۆكی هەرێمی كوردستان و باڵیۆزی ئەمریكا لە عێراق كۆبوونەوە و پەیوەندییەكانی هەولێر و بەغداد تاوتوێكران.
سەرۆكایەتیی هەرێمی كوردستان بڵاویكردووەتەوە، ئێوارەی ئەمڕۆ شەممە نێچیرڤان بارزانی، سەرۆكی هەرێمی كوردستان و ئالینا ڕۆمانۆوسكی باڵیۆزی ئەمریكا لە عێراق كۆبوونەوە.
لە كۆبوونەوەیەكدا پەیوەندییەكانی نێوان هەولێر ـ بەغداد و گفتوگۆی حكومەتی هەرێم و حكومەتی عێراق بۆ چارەسەركردنی كێشەكانی نێوانیان تاوتوێكران و بیروڕایان گۆڕییەوە سەبارەت بە دوایین پێشهاتەكانی ناوچەكە.
هەر لە راگەیەندراوەكەدا هاتووە، لە تەوەرێكی دیكەی كۆبوونەوەكەدا پەیوەندییەكانی ئەمریكا لەگەڵ عێراق و هەرێمی كوردستان و چەند پرسێكی دیكەی جێی بایەخی هەردوولا تاوتوێكران.
