رێژەی باران بارین لە سلێمانی لە ساڵی رابردوو نزیکدەبێتەوە، لە ماوەی 24 کاتژمێری رابردوودا بڕی 15.2 ملیم باران باریوە.
ئاسۆ کەمال، بەڕێوەبەری کەشناسیی سلێمانی بە تۆڕی میدیایی ئێستای راگەیاند، لە ماوەی 24 کاتژمێری رابردوودا بڕی 15.2 ملیم باران لە سلێمانی باریوە.
ئاماژەی بەوەشکرد، ئەمساڵ بڕی 199.1 ملیم باران باریوە، لەکاتێکدا ساڵی رابردوو بڕی 209 ملیم باران باریبوو.
لەبارەی کەشوهەوای سلێمانییەوە ئاسۆ کەمال وتی، باران بەردەوام دەبێت و پلەکانی گەرما نزمدەبنەوە، لەناوچە شاخاوییەکانیش بەفر دەبارێت.
