رێوڕەسمی گەڕاندنەوەی روفاتی 172 ئەنفالكراو لە بەغدادەوە بۆ هەرێمی كوردستان ئەنجامدەدرێت.
رێوڕەسمەكە بە سەرپەرشتی و ئامادەبوونی شاناز ئیبراهیم ئەحمەد، خانمی یەكەمی عێراق لە بەغداد بەڕێوەچوو.
رەمك رەمەزان، قائیمقامی قەزای چەمچەماڵ كە یەكێكە لە ئامادەبووانی رێوڕەسمەكە بە تۆڕی میدیایی ئێستای راگەیاند، روفاتی 172 ئەنفالكراوەكە وەرگیرانەوە و بەڕێكران بەرەو زێدی با و باپیرانیان لە هەرێمی كوردستان.
وتیشی، “دوای گەیشتنەوەی روفاتەكان بە هەرێم، بە راوێژ لەگەڵ لایەنە پەیوەندیدارەكان و كەسوكاری قوربانییان، كات و شوێنی بەخاكسپاردنیان دیاریدەكرێت”.
پێشتر پشكنینی دی ئێن ئەی بۆ قوربانییان و كەسوكارەكانیان لەلایەن پزیشكیی دادوەریی بەغدادەوە ئەنجامدراوە. قائیمقامی چەمچەماڵ باسی لەوەكرد، بەشێكیان بەهۆی ئەو پشكنینانەوە ناسراونەتەوە، نزیكەی 60 روفاتیشیان ناسنامەیان پێبووە.
