بافڵ جەلال تاڵەبانی سەرۆكی یەكێتیی نیشتمانیی كوردستان بەبۆنەی هەڵبژاردنی دكتۆر عەلی قەرەداغی وەك سەرۆكی یەكێتیی جیهانیی زانایانی موسڵمانان پەیامێكی پیرۆزبایی ئاراستە كرد و رایگەیاند، “پیرۆزبایی خۆمان و یەكێتیی نیشتمانیی كوردستانتان ئاڕاستە دەكەم و هیوادارم ئەم بەرپرسیارێتییە نوێیە ببێتە مایەی خزمەتكردنی زیاتری موسڵمانان، یەكڕیزیی گەلی كورد و قووڵكردنەوەی ئاشتی و پێكەوەژیان لەنێوان سەرجەم ئایین و نەتەوەكاندا”.
دەقی پەیامەكەی:
بەناوی خوای گەورە و میهرەبان
برای بەڕێزمان دكتۆر عەلی قەرەداغی
بەبۆنەی هەڵبژاردنتان وەك سەرۆكی یەكێتیی جیهانیی زانایانی موسڵمان، پیرۆزبایی خۆمان و یەكێتیی نیشتمانیی كوردستانتان ئاڕاستە دەكەم.
هیوادارم ئەم بەرپرسیارێتییە نوێیە ببێتە مایەی خزمەتكردنی زیاتری موسڵمانان، یەكڕیزیی گەلی كورد و قووڵكردنەوەی ئاشتی و پێكەوەژیان لە نێوان سەرجەم ئایین و نەتەوەكاندا، كە دڵنیاین بە ئەزموونی قووڵ و لێهاتوویی خۆتان لە رابردوودا، هەوڵەكانی داهاتووشتان لەو پێناوەدا دەبێت.
خوای گەورە سەربەرز و سەركەوتووتان بكات
دڵسۆزتان
بافڵ جەلال تاڵەبانی
سەرۆكی یەكێتیی نیشتمانیی كوردستان
