وتەبێژی حكومەتی هەرێم رایدەگەیەنێت، “ئامانج لە پڕۆژەی هەژماری من پێدانی مووچەیە لە رێگای بانكەوە كە مووچەخۆر مووچەكەی پارێزراو دەبێت و بە كارت وەریدەگرێت”.
پێشەوا هەورامانی وتەبێژی حكومەتی هەرێم رایگەیاند، ئامانج لە پڕۆژەی هەژماری من دابینكردنی رێگایەكی گونجاو و پارێزراوە كە خەڵكی هەرێمی كوردستان دەستی بگات بە خزمەتگوزاریی بانك و بۆ فەرمانبەرانیش مووچەكانیان راستەوخۆ دەخرێتە سەر هەژماری بانكییەكەی و لە هەر شوێنێك بێت دەتوانێت مووچە وەربگرێت.
راشیگەیاند، ئەنجومەنی وەزیران بڕیاریداوە پڕۆژەی هەژماری من خێراتربكات و هەژماری بانكی بۆ مووچەخۆران دروستبكرێت و مەسەلەی مووچە و بودجە شەفاف دەبێت و كۆتایی بە قسە و قسەلۆك دەهێندرێت.
وتەبێژی حكومەت جەختیكردەوە وتیشی، “ئامانج لە پڕۆژەی هەژماری من پێدانی مووچەیە لە رێگای بانكەوە كە من مووچەخۆر مووچەكەی پارێزراو دەبێت”.
