بەتۆمەتی راوکردنی باڵندەی کێوی، لە ئاغجەلەر دوو راوچی دەستگیرکران.
بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند، بە ئامانجی پاراستنی سروشت و ژینگەی سنوورەکەیان مەفرەزەیەكی بنکەی پۆلیسی دارستانی ئاغجەلەر دەرچوون بۆ گوندەکانی (خدری،هەمزە رومی،هەنارە) لە ئەنجامدا دوو هاوڵاتی بە تۆمەتی راوکردنی باڵندەی کێوی دەستگیرکران.
باسلەوەش دەکات، هەروەها دەستگیرا بەسەر سەرجەم کەل و پەلەکانیاندا کە بریتیبوون لە، باڵندەیەکی راوکراو، تاپڕێک، ئۆتۆمبێلێک و یەک لایت.
پەڕاوی لێکۆڵینەوە رێکخراوەو رادەستی دادوەر کراوە بۆ وەرگرتنی رێکاری یاسایی و دوو باڵندەکەش ئازادکران.
