محەمەد شیاع سودانی سەرۆك وەزیرانی عێراق لەگەڵ محەمەد حەلبوسی سەرۆكی لەسەر كارلادراوی پەرلەمانی عێراق كۆبوونەوە و جەختیان لە پێكهێنانی ئەنجومەنی پارێزگاكان كردەوە.
بەپێی راگەیەندراوێكی نووسینگەی سەرۆك وەزیرانی عێراق لە دیدارەكەدا بارودۆخی گشتیی وڵات و گرنگی پێكهێنانی حكومەتە خۆجییەكان و جێبەجێكردنی كارنامەی حكومەت گفتوگۆیان لەبارەوە كرا.
هەر لە راگەیەندراوەكەدا هاتووە، لە كۆبوونەوەكەدا هەوڵەكان بە ئاراستەی پێكهێنانی ئەنجومەنی خۆجێی پارێزگاكان لەنێوان لایەنە براوەكاندا كرایەوە.
