وەزارەتی ناوخۆی عێراق ڕایگەیاند، کە شۆفێری پاسێکیان لە یەکێک لە بازگەکانی باشووری بەغداد دەستگیرکردووە، جانتای سەرنشینەکانی دزیوە و هەڵاتووە.
لە ڕاگەیەندراوی پۆلیسی بەغدادی سەر بە وەزارەتی ناوخۆدا هاتووە، لە کەمینێکدا کە پێشتر زانیارییان پێدراوە لەسەر دزینی جانتا و کەلوپەلی زیارەتکارانی چلەی ئیمام حوسێن و هەڵاتنی، توانیویانە دەستگیری بکەن.
بەپێی ڕێککەوتنی نێوان شۆفێرەکە و زیارەتکاران لە کەربەلاوە دەگەیەندرانە کازمیەی بەغداد و دواتریش بۆ سامەڕا، بەڵام کاتێک لە کازمیە گەشتیارەکانی دابەزاندووە جانتا و کەلوپەلەکانی دزیوە و هەڵاتووە.
لەلایەن تیمێکی پۆلیسەوە ئەو شۆفێرە لە باشووری بەغداد دەستگیرکراوە و دەستگیراوە بەسەر سەرجەم جانتا و کەلوپەلەکاندا بۆ گەڕاندنەوەیان بۆ خاوەنەکانیان.
