بەیانی ئەمڕۆ بازاڕەکانی دراو لە شارەکانی هەرێمی کوردستان و عێراق کرانەوە، نرخی دۆلار بەرامبەر بە دیناری عێراقی لەماوەی هەفتەیەکدا تارادەیەک جێگیری بەخۆیەوە دیووە و لە نزیک 153 هەزار دیناردا سەقامگیر بووە.
ئەمڕۆ یەکشەممە، 100 دۆلاری ئەمریکی لە بازاڕی دراوی شارەکانی هەرێمی کوردستان هاوتای 152 هەزار و 900 دینارە.
ماوەی هەفتەیەک دەبێت نرخی دۆلار بەرامبەر بە دینار گۆڕانکاری گەورەی بەسەردا نەهاتووە و لە نێوان هەزار دینار بەرزبوونەوە و دابەزیندا ماوەتەوە.
ئێوارەی دوێنێ شەممە، مزهەر محەمەد ساڵح راوێژكاری دارایی سەرۆك وەزیرانی عێراق رایگەیاند، بەم نزیكانە بەهای 100 دۆلار لە بازاڕەدا دەگاتە 135 هەزار دینار و هۆکاری ئەوەی نرخی دۆلار تا ئێستا دانەبەزیووە، گەڕاندییەوە بۆ دۆخی عێراق.
