یۆشیماسا هایاشی، سکرتێری حکومەتی ژاپۆن رایگەیاند، “فومیۆ کیشیدا، سەرۆک وەزیرانی ژاپۆن، سوپاسی کیم جۆنگ ئون، سەرۆکی کۆریای باکووری کرد بەهۆی دەربڕینی هاوخەمی بۆ قوربانیانی بوومەلەرزەکەی وڵاتەکەی”.
لە کۆنگرەیەکی ڕۆژنامەوانیدا ئەو بەرپرسە حکومیەی ژاپۆن ئاماژەی بەوەکرد، “ئاژانسی هەواڵی ناوەندی کۆریا پەیامێکی سەرۆکی کۆریایان گەیاندە سەرۆک وەزیرانی ژاپۆن کە تێیدا پرسە و سەرەخۆشی لە کەسوکاری قوربانییەکان و زیانلێکەوتووەکان دەکات و هیوای زوو چاکبوونەوەش بۆ بریندارەکان دەخوازێت”.
دەشڵێت، “حکومەتی ژاپۆن سوپاسگوزارە بۆ ئەو کارە و سوپاس و پێزانینی خۆمان ئاڕاستەی سەرۆکی کۆریای باکوور دەکەین بۆ سەرەخۆشییەکەی”.
دوای ئەو بوومەلەرزە بەهێزەی لە ژاپۆن روویدا و چەندین کەس بوونە قوربانی، کیم جۆنگ ئون، سەرۆکی کۆریای باکوور پەیامێکی سەرەخۆشی ئاڕاستەی سەرۆک وەزیرانی ژاپۆن کرد.
