دەزگای لوتکە بۆ کاروباری ئاوارە و کۆچبەران دەڵێت، “تا ئێستاش هەزاران کۆچبەر لە بیلاروسیاوە هەوڵی گەیشتن بە یەکێتی ئەوروپا دەدەن” و بە گوێرەی ئامارەکان لە ساڵی 2023دا ژمارەی کۆچبەرانی تۆمارکراو لەو سنوورە بووەتە دوو هێندەی ساڵی 2022.
ئاری جەلال سەرۆکی دەزگای لوتکە بۆ کاروباری ئاوارە و کۆچبەران راگەیەندراوێکی بڵاوکردەوە و تێیدا ئەوەی باس کردووە، ژمارەی کۆچبەرانی تۆمارکراو لەسەر سنووری بیلاڕوسیا و پۆڵەندا و لاتڤیا و لیتوانیا گەیشتووەتە 18 هەزار کۆچبەر لە ساڵی 2023دا.
لە ساڵی 2021ەوە یەکێتی ئەوروپا دەسەڵاتدارانی بیلاڕوسیای تۆمەتبار کردووە بە هاندان و یارمەتیدانی کۆچبەران بۆ بەزاندنی سنوورەکان.
