وەزارەتی بەرگریی عێراق داوا لەو كەسانە دەکات کە ناویان وەك خۆبەخش بە پلەی سەرباز هاتووەتەوە پشكنین ئەنجامبدەن.
وەزارەتی بەرگریی عێراق لە ئاگادارییەكدا داوا لەو كەسانە دەكات کە ناویان بڵاوكراوەتەوە و قبوڵکراون لە ریزی هێزە تایبەتەکان، خۆیان ئامادەبکەن و بچن بۆ ئەو بنکە تەندروستییانەی بۆیان دیاریکراوە بەمەبەستی ئەنجامدانی پشکنینە پێویستەکان.
داواشیکردووە، جلی وەرزشی لەبەر بکەن و کالەی وەرزشی کێش کەم لەپێ بکەن و پشکنینە جەستەیی و تەندروستییەکان ئەنجام بدەن.
رۆژی یەكشەممە وەزارەتی بەرگریی عێراق ناوی 10 هەزار خۆبەخشی لە ریزی هێزە تایبەتەکان و ناوی پێنج هەزاری دیکەشی وەک خۆبەخشی جێگرەوە بڵاوكردەوە كە پارێزگاکانی هەرێمی کوردستانیشی تێدایە.
