بەڕێوەبەرایەتیی هاتوچۆی دهۆک لەبارەی ئەو ئۆتۆمبێلانەی ژمارەیان کاتییە هاوڵاتییان ئاگاداردەکاتەوە و دەڵێت، “سبەینێ مامەڵە بۆ ئەو ئۆتۆمبێلانە ناکرێت”.
لە راگەیەندراوێکدا بەڕێوەبەرایەتیی هاتوچۆی دهۆک ئاماژە بەوە دەکات، “هەموو شۆفێران و هاوڵاتییان ئاگاداردەکەینەوە سبەینێ کە دەکاتە رۆژی 2ی کانوونی دووەمی 2024 هیچ مامەڵەیەک بۆ ئەو ئۆتۆمبێلانە ناکرێت کە ژمارەیان کاتییە چونکە پێویستی بە چەکی بانکییە و بەهۆی جەردی ساڵانەوە بانکەکان کارەکانیان راگرتووە”.
دەشڵێت، “بێجگە لەو مامەڵەیە هەموو مامەڵەکانی دیکەی ئۆتۆمبێل و مۆڵەتی شۆفێری بە ئاسایی کاریان بۆ دەکرێت”.
