ئاری عیزەدین نوێنەری مامۆستایانی ناڕازی كە ئەمڕۆ لەگەڵ محەمەد شیاع سودانی سەرۆك وەزیرانی عێراق كۆبووەوە دەڵێت، “سودانی رایگەیاندووە پێشنیازێكی نوێی خستووەتەبەردەم لایەنەكان بۆ چارەسەری كێشەی مووچەی مووچەخۆرانی هەرێم كە رەزامەندییان لەسەر داوە، بەڵام ئەوەش پێویستی بە دەرچەیەكی یاسایی هەیە”.
راشیگەیاند، لە كۆبوونەوەكەدا باسمان لە دۆخی مووچەخۆران و مامۆستایانی وانەبێژ كرد و یاداشتێكمان خستەبەردەم سەرۆك وەزیرانی عێراق و لەهەمانكاتدا ئاگاداری دۆخی دارایی مووچەخۆرانی هەرێمە.
ئاشكراشیكرد، لە كۆبوونەوەكەدا محەمەد شیاع سودانی رایگەیاند، “پێشتر لیژنەیەك بۆ چارەسەری كێشەی مووچە لە نێوان هەرێم و بەغداد پێكهێندرا، بەڵام ئەنجامی نەبوو و دواجار خۆی پێشنیازێكی خستووەتەبەردەم لایەنەكان بۆ چارەسەركردنی كێشەی مووچەی مووچەخۆرانی هەرێم و رەزامەندییان لەسەر داوە، بەڵام ئەوەش پێویستی بە دەرچەیەكی یاسایی هەیە”.
