وتەبێژی پۆلیسی كەركوك رایدەگەیەنێت، بەپێی بەدواداچوونەكان تەقەكەرەكانی ئەمڕۆی كەركوك كە گەنجەكەیان كوشتووە و چەكداری داعشن و لە ئێستادا سەرجەم هێزە ئەمنییەكان خراونەتە حاڵەتی ئامادەباشییەوە.
عامر نوری وتەبێژی بەڕێوەبەرایەتیی پۆلیسی كەركوك لە لێدوانێكیدا تایبەت بە تۆڕی میدیایی ئێستای راگەیاند، بەپێی بەدواداچوونەكان دەركەوتووە رووداوی تەقەكردنەكەی ئەمڕۆی كەركوك لە لایەن دوو چەكداری داعشەوە ئەنجامدراوە و بەهۆیەوە كەسێكیان گیانیلەدەستدا و دوو كەسی دیكەش برینداربوون.
راشیگەیاند، سەرجەم هێزە ئەمنییەكان خراونەتە حاڵەتی ئامادەباشییەوە و بەدوای چەكدارەكاندا دەگەڕێن.
