دروستبوونی لافاو مەترسی لەسەر وێستگەى کەهرئاوى دەربەندیخان دروستدەكات و بەهەوڵی لایەنە پەیوەندیدارەكان چارەسەركرا.
ئەندازیار حەمید عەلى، بەرێوەبەرى بەرهەمهێنانى وزەى کارەباى دەربەندیخان رایگەیاند، درەنگانى شەوی رابردوو بەهۆى بارانبارینى زۆر و دروستبوونى لافاو، ئاو چووە ناو وێستگەی گۆڕینى کارەباى بەڕێوەبەرایەتیی بەرهەمهێنانی کارەبای دەربەندیخان.
وتیشى، هەر شەوی رابردوو “کارمەندەکانمان بەهاوکاری و هەماهەنگی، قایمقامی دەربەندیخان و شارەوانی دەربەندیخان و بنکەى ئاگرکوژێنەوە و بەنداو و دابەشکردنی دەربەندیخان، رێڕەوی ئاوی باراناو دوورخرایەوە لە تۆڕی وێستگەکە”.
بەڕێوەبەرەكەی كارەبا باسی لەوەشكرد، شەوی رابردوو تا کاتژمێر 6ى بەیانیى ئەمڕۆ سەرقاڵى دەرکردنى ئاوی كۆبووەوە بوون و، ئەمڕۆش قوڕولیتەکە پاکدەکەنەوە و تێستى ئامێرەکان دەکەنەوە و کاریان پێدەکەنەوە.
