پۆلیسی کەرکوک دەستگیرکردنی تۆمەتباری سەرەکی هێرشکردنە سەر گەنجێکی کوردی لە شاری کەرکوک راگەیاند.
بەڕێوەبەرایەتیی پۆلیسی کەرکوک بڵاویکردەوە، دوای ئەوەی لە رێکەوتی 18 ی ئەم مانگە چەند کەسێک هێرشیانکردە سەر گەنجێکی کورد و برینداریانکرد، ئەمڕۆ تۆمەتباری سەرەکی رووداوەکە دەستگیرکرا.
ئاشکراشیکرد، تۆمەتبارانی دیکەی رووداوەکە دەستنیشانکراون و گەڕان بەدوایاندا بەردەوامە بە مەبەستی دەستگیرکردنیان.
عەبدوڵا محەمەد گەنجێکی کوردی شاری کەرکوک بوو، لە رۆژی دەنگدانی گشتی ئەنجومەنی پارێزگاکان،
دوای ئەوەی بە جلی کوردییەوە دەنگی دا، لە نزیک بینای پارێزگای شارەکە لەلایەن چەند کەسێکەوە هێرشی کرایە سەر و بریندارکرا.
