د. نەرمین مەعروف ئەندامی لیژنەی دارایی و پەرلەمانتاری فراكسیۆنی یەكێتی لە ئەنجومەنی نوێنەرانی عێراق رایگەیاند، سوورین لەسەر بڕگەكانی تایبەت بە پاشەكەوتی مووچە و مامەڵەی راستەوخۆ لەگەڵ پارێزگاكان.
وتیشی، لەبەر ئەوەی پێشنیازی یەكێتیی نیشتمانیی كوردستانن و لە لیژنەی دارایی دەنگیان لەسەر دراوە، ئێمە داوای خوێندنەوەیان دەكەین، ئەم بڕگانە پەیوەندییان بە رەشنووسەوە نییە.
ئاشكراشیكرد، پێشنیازی یەكێتین لە لیژنەی دارایی، لەبەر ئەوە دەبێت لە دانیشتنی ئەنجومەنی نوێنەران بخوێندرێنەوە با ئەنجومەنی نوێنەران بڕیاریان لەسەر بدات پەسەندی دەكات یاخود رەتیدەكاتەوە، دواجار دەسەڵاتی پەڕلەمانە. بۆیە ئێمە داكۆكیان لێدەكەین.
