سەرۆكی ئەمریكا ڕایدەگەیەنێت، خۆپیشاندانێكی ناڕەزایی گەورە لە 6ی ئەم مانگە لە واشنتن ئەنجامدەدرێت.
دۆناڵد ترەمپ، سەرۆكی ویلایەتە یەكگرتووەكانی ئەمریكا كە لە 20ی ئەم مانگە ویلایەتەكەی كۆتایی دێت، لە تویتێكدا وتی، خۆپیشاندانی ناڕەزایەتی گەورە لە واشنتن كاتژمێر 11ی بەیانیی ڕۆژی 6ی ئەم مانگە ئەنجامدەدرێت.
خۆپیشاندانەكە بۆ ناڕەزایی نیشاندانە بەرامبەر ئەنجامی هەڵبژاردنەكانی 3ی تشرینی دووەمی ساڵی ڕابردووی ئەو وڵاتە و لەژێر ناونیشانی “دزین بوەستێنن” دەبێت، كە لەلایەن لایەنگرانی ترەمپەوە بەرزدەكرێتەوە.
تائێستا ترەمپ گومانی لە هەڵبژاردنەكان هەیە كە جۆ بایدن،ی كاندیدی دیموكراتەكان بە براوەكەی دەستنیشانكراوە.
The BIG Protest Rally in Washington, D.C., will take place at 11.00 A.M. on January 6th. Locational details to follow. StopTheSteal!
— Donald J. Trump (@realDonaldTrump) January 1, 2021
