وتەبێژی یەكێتی رایدەگەیەنێت، داوا لە سەرجەم هاوڵاتییان و كەسایەتییەكان دەكەین بەشداریی لە دەنگداندا بكەن و هیوادارین كۆمسیۆن ئەو گرفتانەی كە لە دەنگدانی تایبەتدا هەبووە چارەسەری بكات.
سەعدی ئەحمەد پیرە، وتەبێژی یەكێتیی نیشتمانیی كوردستان لە دیدارێكی تەلەفزیۆنیدا رایگەیاند، بەپێی ئەو زانیارییانەی بە ئێمە گەیشتوون تا درەنگانی شەوی رابردوو كێشەی بەشێك لە ئامێرەكانی دەنگدان چارەسەرنەكراون و گومانمان هەیە كە بەشێك لە دەنگەكان بە بیانووی پەنجەمۆرەوە لە سیستمەكە تۆماركرابێتن.
وتیشی، “هیوادارم كۆمسیۆنی باڵای سەربەخۆی هەڵبژاردنەكان ئەو گرفتانە چارەسەربكەن و سەرجەم هاوڵاتییان و لایەنە كوردستانی و كەسایەتییەكان سبەی بەشداریی لە دەنگدان بكەن.
