قوباد تاڵەبانی سەرپەرشتیاری مەكتەبی سكرتارییەتی سەرۆك مام جەلال بەبۆنەی جەژنی رۆژووی ئێزدی، پەیامێكی پیرۆزبایی ئاڕاستەی ئێزدییەكان دەكات و دەڵێت، “لە رۆژی جەژنی رۆژووی ئێزدی كە بۆنەیەكە بۆ لێبوردەیی و گەردن ئازایی لەناو خوشك و برایانی ئێزدیی، جەختدەكەینەوە لەسەر چارەسەركردنی سەرجەم كێشەكانی ناوچەی شەنگال بە رێگای ئاشتییانە.”
دەقی پەیامەكەی قوباد تاڵەبانی:
بەبۆنەی جەژنی رۆژووی ئێزدی، پیرۆزبایی لە هەموو خوشك و برایانی ئێزدی لە كوردستان و جیهان دەكەم و ھیوای جەژنێكی خۆش و پڕ لە ئاشتی و ئارامییان دەخوازم.
بۆنە و سرووتە ئاینییەكانی ھەموو پێكهاتەكان دەرفەتێكی گرنگن بۆ بیرھێنانەوەی گرنگی قووڵكردنەوەی گیانی ئاشتەوایی و پێكەوەژیان. لە رۆژی جەژنی رۆژووی ئێزدی كە بۆنەیەكە بۆ لێبوردەیی و گەردن ئازایی لەناو خوشك و برایانی ئێزدیی، جەختدەكەینەوە لەسەر چارەسەركردنی ھەموو كێشەكانی ناوچەی شەنگال بە رێگای ئاشتییانە.
هیوادارم ئەم جەژنە ببێتە مایەی خێرو خۆشی بۆ ھەموو ئێزدییان و بە دووربن لە ھەموو ناخۆشییەك.
قوباد تاڵەبانی
سەرپەرشتیاری مەكتەبی سكرتارییەتی سەرۆك مام جەلال
