ئەندامێكی ئەنجومەنی نوێنەرانی عێراق میكانیزمەكانی چارەسەری كێشەی مووچەی مووچەخۆرانی هەرێم لە ساڵی داهاتوو ئاشكرادەكات و دەشڵێت، ” عێراق لە رێگای نەناردنی مووچەوە فشار لە هەرێمی كوردستان دەكات”.
د. بڕیار رەشید ئەندامی لیژنەی ئابوری و پیشەسازی و بازرگانی لە ئەنجومەنی نوێنەرانی عێراق لە دیدارێكی تەلەفزیۆنیدا رایگەیاند، بۆ چارەسەری كێشەی مووچە لە ساڵی داهاتوو پێویستە ئەو قەرزانەی بۆ مووچەی مووچەخۆرانی هەرێم كراوە دوابخرێن و عێراق لەگەڵ ئەوەیەدا بابەتی ئینفاقی فیعلی بمێنێت، بەڵام مووچە بخرێتە سەر حاكیمە و پرسی داهاتی ناوخۆی هەرێمی كوردستان و تێچووی بەرهەمهێنانی نەوت چارەسەربكرێت و بەوەش گرفتی مووچەی مووچەخۆرانی هەرێم لە ساڵی داهاتوو چارەسەردەكات.
بە بڕوای ئەو پەرلەمانتارە، عێراق لە رێگای نەناردنی مووچەوە فشار لە هەرێمی كوردستان دەكات و لە ئێستادا هەمواركردنەوەی یاسای دەروازە سنووریەكان فشاركردنە لە هەرێمی كوردستان و دەكرێت ئەو بابەتە دوابخرێت، جگەلەوەش حكومەتی عێراق لە بابەتی داهاتە ناوخۆییەكاندا غەدری لە هەرێمی كوردستان كردووە داهاتی ناوخۆی 15 پارێزگای عێراقی وەكو داهاتی سێ پارێزگای هەرێمی كوردستان ئەژماركردووە
