لەلایەن هێزەكانی پۆلیسەوە تۆمەتبار بە كوشتنی كەسێك دەستگیركرا.
بەڕێوەبەرایەتیی پۆلیسی پارێزگای سلێمانی رایگەیاند، دوای ئهوهی له ناحیهی تهكیه شهڕ و ئاڵۆزی لهنێوان دوو كهسدا لهسهر زهویوزار دروستبوو، دهستبهجێ هێزهكانی پۆلیس گهیشتنه شوێنی رووداوهكه و كهسێك كه بهفیشهك بریندارببوو، رهوانهی نهخۆشخانه كرا، بهڵام بههۆی سهختی برینهكهیهوه گیانیلهدهستدا، ههروهها تۆمهتبار بۆ شوێنێكی نادیار ههڵات.
ئەوەشی خستەڕوو، لێكۆڵینهوهكانی پۆلیس بهردهوام بوو بۆ دۆزینهوه و دهستگیركردنی تۆمهتبار، دوای گهیشتنه ئهنجامی لێكۆڵینهوهكان و وهرگرتنی بڕیاری دادوهر، تۆمهتبار له ناحیهی بازیان و لهلایهن مهفرهزهكانی بنكهی پۆلیسی بازیانهوه دهستگیركرا.
تۆمهتبار (ئـ.ط.ك.) لهدایكبووی ساڵی 1973 به بڕیاری دادوهر و بهپێی ماددهی 406 له یاسای سزادان راگیراوه و لێكۆڵینهوهكان بهردهوامه، پۆلیسی سلێمانی وادەڵێت.
