بڕیارە له ماوه‌ی دوو هه‌فته‌ی داهاتوودا، تیروپشك بۆ ناوی حاجیانی هەرێم بۆ ساڵی داهاتوو ئه‌نجام بدرێت.
وه‌زاره‌تی ئه‌وقاف و كاروباری ئایینی – به‌رێوه‌به‌رایه‌تیی گشتیی حه‌ج و عومره‌ی هه‌رێمی كوردستان، له راگه‌یندراوێكدا بڵاویکردەوە، به‌رده‌وامن له ئاماده‌كارییه‌كان بۆ ئه‌نجامدانی تیروپشك بۆ ناوی حاجیانی ئه‌مساڵ و راگه‌یاندنیان.
باس لەوەش دەکات، له‌كاتی ده‌ستپێكردنی ناونووسین و تاوه‌كوو رێكخستنیان به‌رده‌وام كار له‌سه‌ر پرۆسه‌كه ده‌كه‌ن و له ئێستادا له دوا قوناغی ئاماده‌كارییه‌كانیاندان بۆ ئه‌نجامدانی تیروپشكی ناوی حاجیان بۆ وه‌رزی حه‌جی 2024.
ئاماژە بەوەش دەکات، “له ماوه‌ی دوو هه‌فته‌ی داهاتوودا و پێش كۆتایی ئه‌م مانگه به ئاماده‌بوونی ده‌زگا په‌یوه‌نداره‌كان و ده‌زگاكانی راگه‌یاندن به شێوه‌یه‌كی شه‌فاف و دادپه‌روه‌رانه تیروپشك بۆ ناوی حاجیان ئه‌نجام ده‌درێت و ناوه‌كان بڵاوده‌كرێنه‌وه”.
