لەدوای کۆتاییهاتنی گەشتە یەک رۆژەییەکەی بۆ یۆنان رەجەب تەیب ئەردۆگان سەرۆک کۆماری تورکیا رایگەیاند، دەتوانن بەبێ لایەنی سێیەم کێشەکانیان چارەسەربکەن.
رۆژی پێنجشەممە رەجەب تەیب ئەردۆگان سەرۆک کۆماری تورکیا سەردانێكی بۆ ئەسینای پایتەختی یۆنان ئەنجامدا و لەکاتی گەڕانەوەشی بە رۆژنامەنووسانی راگەیاند، “سەردانەکەمان کە لە کەشوهەوایەکی زۆر ئەرێنییدا بەڕێوەچوو، پێم وایە لاپەڕەکەی نوێ لە پەیوەندییەکانی نێوان هەردوو وڵات دەکاتەوە، لە هەوڵداین بۆ پێشخستن و فراوانکردنی ئەم هاریکارییانەمان لە هەموو بوارەکاندا”.
ئاشکراشیکرد، تورکیا و یۆنان هەردوو وڵات خاوەنی توانا و ئەزموون و ئیرادەن کە بەبێ پێویست بوون بە دەستوەردانی لایەنی سێیەم بە ئاسانی کێشەکان چارەسەر بکەن.
