پێشنیوەڕۆی ئەمڕۆ لە گەڕەکی خانەقای هەولێر تەرمی گەنجێک دۆزرایەوە.
پەیامنێری تۆڕی میدیایی ئێستا لە زاری سەرچاوەیەکی ئەمنییەوە بڵاویکردەوە، کاتژمێر 11:00 ی پێشنیوەڕۆی ئەمڕۆ کارمەندێکی ئاسایش بە گەڕەکی خانەقای هەولێردا تێپەڕیوە تەرمی گەنجێکی بینیوە و هێزە ئەمنییەکانی لێئاگادارکردووەتەوە.
ئاماژەی بەوەشکرد، گەنجەکە تەمەنی 28 ساڵانە و بە رەگەز عەرەبە، بەپێی لێکۆڵینەوەکان بە بەرد کوژراوە و پارە و مۆبایلیان لێدزیوە.
ئاشکراشیکرد، لێکۆڵینەوەکان لەلایەن هێزە ئەمنییەکانەوە دەستیپێکردووە.
گەڕەکی خانەقا یەکێکە لە گەڕەکە کۆنەکانی شاری هەولێر، ئەمە یەکەمجار نییە حاڵەتی لەم شێوەیەی تێدا رووبدات.
