د. سامان محەمەد شەریف كاندیدی ژمارە 21ی لیستی پارتی بۆ هەڵبژاردنی ئەنجومەنی پارێزگای كەركوك پەیوەندی بە ریزەكانی یەكێتییەوە كرد و بڕیاریدا لە ریزەكانی یەكێتیدا خزمەتبكات.
لەتیف نێروەیی لێپرسراوی بۆردی راگەیاندنی یەكێتیی نیشتمانیی كوردستان لە كۆنگرەیەكی رۆژنامەوانیدا كە پەیامنێری تۆڕی میدیایی ئێستا لە بارەگای مەكتەبی سیاسیی یەكێتی لە كەركوك ئامادەیبوو و رایگەیاند، د. سامان محەمەد شەریف كاندیدی ژمارە 21 ی پارتی بۆ هەڵبژاردنی ئەنجومەنی پارێزگای كەركوك بڕیاریدا لە ریزەكانی یەكێتی خزمەتبكات و ئەو بڕیارەش سەلمێنەری ئەوەیە كە تەنها یەكێتی لە كەركوك دەتوانێت خزمەتی كەركوك و كەركوكییەكان بكات بەبێ جیاوازی.
هاوكات د. سامان محەمەد شەریف رایگەیاند، “بە خۆشحاڵییەوە و بە ئیرادەی خۆم ئەمڕۆ بڕیارمدا لە ریزەكانی یەكێتیی نیشتمانیی كوردستاندا خزمەتبكەم و وتیشی، تەنها یەكێتییە دەتوانێت خزمەتی كەركوك و كەركوكییەكان بكات”.
