تەیف سامی، وەزیری دارایی عێراق سەرجەم دەسەڵاتەكانی لە مەسعود حەیدەر-ی بریكاری وەزارەتەكەی وەرگرتەوە.
بەپێی نوسراوێكی وەزارەتەكە كە واژووی تەیف سامی-ی وەزیری دارایی لەسەرە و بە ژمارە (7086) لە 30ی تشرینی دووەم دەرچووە، بڕیاردراوە بە رەتكردنەوەی ئەو دەسەڵاتەی دراوەتە (مەسعود حەیدەر رۆستەم) بریكاری وەزارەتی دارایی.
هەر بەپێی نوسراوەكە سەرجەم دەسەڵاتەكان گەڕێندراونەتەوە بۆ خودی وەزیر، تا ئەو كاتەی بڕیار لەسەر ئەرك و كارەكانی بریكاری وەزارەت دەدرێت.
مەسعود حەیدەر لەسەر پشكی پارتی ئەو پۆستەی لە وەزارەتی دارایی عێراق پێدراوە.
نوسراوەكە هۆكاری لێسەندنەوەی دەسەڵاتەكانی ئاشكرانەكردووە.
