وەزارەتی كارەبای هەرێم روونكردنەوەیەكی لەبارەی كوژانەوەی كارەباوە بڵاوكردەوە و دەڵێت، “بەهۆی گرفتێكی تەكنیكییەوە، كوژانەوەی گشتی لە سیستمی كارەبای هەرێم روویدا”.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی گرفتێكی تەكنیكییەوە، كوژانەوەی گشتی لە سیستمی كارەبای هەرێم روویدا و تیمەكانی وەزارەتی كارەبا سەرقاڵی چارەسەركردنی كێشەكەن و گەڕانەوەی كارەبای گشتین و بەم زووانە كێشەی كوژانەوەی گشتی چارەسەردەكرێت.
هەر لە راگەیەندراوەكەدا هاتووە، ئێوارەی رۆژی پێنجشەممە، بەهۆی گرفتێكی تەكنیكییەوە تەواوی یەكەكانی بەرهەمهێنانی كارەبای هەرێم كوژانەوە و تیمەكانی وەزارەتی كارەبا دەمودەست كێشەكەیان چارەسەركرد، بەڵام كاتژمێر (1:00)ی شەو بۆ جاری دووەم كوژانەوەی گشتی روویدا و ئێستا تیمەكانی كارەبای هەرێم سەرقاڵی ئاساییكردنەوەی دۆخی سیستمی كارەبای هەرێمی كوردستانن و بەم نزیكانە چارەسەردەكرێت.
