ئەمڕۆ نێچیرڤان بارزانی، سەرۆكی هەرێمی كوردستان، لەسەر بانگهێشتی فەرمیی شێخ محەمەد بن زایدئال نەهیان سەرۆكی ئیمارات، گەیشتە دوبەی.
بەپێی راگەیەندراوێكی سەرۆكایەتیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەم سەردانەی نێچیرڤان بارزانی سەرۆكی هەرێم بۆ بەشداریكردنە لە كۆنفرانسی نەتەوە یەكگرتووەكان بۆ گۆڕانی كەشوهەوا (COP28) كە سبەینێ هەینی هاوكات لەگەڵ رۆژی نیشتمانیی ئیماراتدا بە ئامادەبوون و بەشداریی ژمارەیەكی بەرچاوی سەركردەكانی جیهان لە شاری ئێكسپۆ دوبەی ئەنجامدەدرێت.
ئیمارات سەرۆكایەتیی ئەم گەڕەی كۆنفرانسەكە دەكات و پرسەكانی تایبەت بە گۆڕانی كەشوهەوا و چۆنیەتیی رووبەڕووبوونەوەی لێكەوتەكانی و ڕۆڵی وڵاتان لە كەمكردنەوەی مەترسییەكان تاوتوێدەكات.
