بافڵ جەلال تاڵەبانی سەرۆکی یەکێتیی نیشتمانیی کوردستان رایگەیاند، لە رۆژی جیهانیی ژناندا بەڕێزەوە یادی هەموو ئەو ژنە ئازا و بوێرانە دەكەینەوە كە خەباتیان لەپێناو یەكسانی و چەسپاندنی مافەكانی مرۆڤدا كردووە و رۆڵێكی كاریگەریان لەبەرەوپێشچوونی كۆمەڵگەدا گێڕاوە.
بافڵ جەلال تاڵەبانی سەرۆکی یەکێتیی نیشتمانیی کوردستان لە پەیامێکدا کە بەبۆنەی 8ی مارسەوە بڵاویکردەوە رایگەیاند، ” لە رۆژی جیهانیی ژناندا بەڕێزەوە یادی هەموو ئەو ژنە ئازا و بوێرانە دەكەینەوە كە خەباتیان لەپێناو یەكسانی و چەسپاندنی مافەكانی مرۆڤدا كردووە و رۆڵێكی كاریگەریان لەبەرەوپێشچوونی كۆمەڵگەدا گێڕاوە”.
ئاماژەی بەوەش کرد، ” ژنانی كورد هەمیشە پێشەنگی بوارە جیاوازەكان بوون و لە رووداوە سیاسی و كۆمەڵایەتییەكانی گەلی كورددا ئامادەیی بەرچاویان هەبووە و جێدەستیان دیارە لە هەموو كایەكانی كۆمەڵگەی كوردیدا”.
بافڵ جەلال تاڵەبانی لە کۆتایی پەیامەکەیدا ئاشکرایکرد، ” بەندە بە شانازییەوە هاوكار و پشتیوانتان دەبم لەپێناو بەدیهێنانی مافەكانتان وبە كرداریش دژی جیاوازی رەگەزی وەستاوینەتەوە و رووبەڕووی بەربەستەكان بووینەتەوە، یەكێتیی نیشتمانیی كوردستان پشتیوانی هەمیشەیی ژنان بووە و بەردەوامیش دەبێت لە رەخساندنی زەمینەی لەبار و فراوانتر بۆ ژنانی كورد تاوەكو پەرە بە تواناكانیان بدەن و سەركردایەتی حزبەكە بكەن”.
