لەلایەن هێزەكانی سەر بە دەزگای ئاسایشی هەرێم، باندێکی ماددەی هۆشبەر پاش رووبەڕووبوەنەوە دەستگیركرا.
دەزگای ئاسایشی هەرێم رایگەیاند، هێزەکانی بەڕێوەبەرایەتیی ئۆپراسیۆنەکانی ئاسایش بە هەماهەنگی بەڕێوەبەرایەتیی نەهێشتنی ماددە هۆشبەرەکانی دەزگای ئاسایش ئەمڕۆ لە شاری کەلار ئۆپراسیۆنێکیان بۆ دەستگیرکردنی سێ بازرگانی ماددەی هۆشبەر ئەنجامدا.
ئەوەشی خستەڕوو، لەکاتی جێبەجێکردنی فەرمانی دادوەر بۆ دەستگیرکردنیان، تۆمەتباران هەوڵی هەڵاتن و رووبەڕووبونەوەی چەکدارییاندا.
هێزەکانی ئاسایش توانیان بەزووترین کات هەرسێ تۆمەتبار دەستگیربکەن و یەکێک لە تۆمەتباران لە کاتی رووبەڕووبونەوەدا بە برینداری دەستگیرکرا، وەك ئەوەی دەزگای ئاسایش ئاماژەی پێداوە.
روونیشیكردەوە، دەستبەسەر سەرجەم ئەو ماددە هۆشبەرانەدا گیرا کە بەنیازبوون بازرگانی پێوەبکەن و، بڕەکەی پێکهاتبوو لە یەک کیلۆگرام ماددەکانی کریستاڵ و حەشیش.
