بڕیارە یەكشەممەی داهاتوو دادگای باڵای فیدراڵی دانیشتنێكی تایبەت بە سكاڵایەكی پەیوەست بە مووچەی فەرمانبەرانی ھەرێم ئەنجامبدات كە لەلایەن ژمارەیەك لە مووچەخۆرانەوە تۆماركراوە.
سكاڵاكە بە ژمارە (247/ فیدراڵی/2023) لەلایەن 9 مووچەخۆری هەرێمی كوردستانەوە تۆماركراوە و دادگاكەش رۆژی یەكشەممە 26ی تشرینی دووەمی بۆ تاوتوێكردنی دیاریكردووە.
سكاڵاكە، دژی جێبەجێنەکردنی یاسای مووچەی فەرمانبەرانی دەوڵەت و کەرتی تایبەت ژمارە (22ی ساڵی 2008) لەسەر مەسرور بارزانی، سەرۆکی حکومەتی هەرێم و ئاوات جەناب نوری، وەزیری دارایی تۆمارکراوە و داوادەكەن دادگای فیدراڵی، حکومەتی ھەرێم پابەندبکات یاسای مووچەی فەرمانبەرانی دەوڵەت وەک خۆی جێبەجێ بکات بەتایبەت ماددەکانی (6، 7، 8 و 9)، لەگەڵ هەڵوەشاندنەوەی بڕیاری راگرتنی پلە بەرزکردنەوەی فەرمانبەران.
