سەرۆك وەزیرانی عێراق لەگەڵ وەزیری وزەی توركیا كۆبووەوە و تاوتوێی دەستپێكردنەوەی هەناردەی نەوتی هەرێمیان كرد.
بەپێی راگەیەندراوێكی نووسینگەی راگەیاندنی سەرۆك وەزیرانی عێراق ئەمڕۆ چوارشەممە، محەمەد شیاع سودانی سەرۆك وەزیران لە شاری بەغداد پێشوازیكرد لە ئاڵپ ئەرسەلان بایرەقدار وەزیری وزەی توركیا و شاندێكی یاوەری.
لە كۆبوونەوەكەدا تاوتوێی دەستپێكردنەوەی هەناردەی نەوتی هەرێمی كوردستان كرا و سەرۆك وەزیرانی عێراق ئامادەیی عێراقی بۆ دەستپێكردنەوەی هەناردەی نەوت دەربڕی.
هەر لە راگەیەندراوەكەدا هاتووە چەند پرسێكی دیكەی پەیوەست بە عێراق و توركیا گفتوگۆیان لەبارەوە كرا.
