وتەبێژی وەزارەتی کشتوکاڵی عێراق رایدەگەیەنێت، بە جێبەجێکردنی پلانی وەزارەتەکەیان، ئەمساڵ عێراق دەگاتە ئاستی خۆبژێوی لە بەرهەمهێنانی گەنمدا.
محەمەد خەزاعی، وتەبێژی وەزارەتی کشتوکاڵی عێراق رایگەیاند، ئەو بەروبوومانەی لە پلانیاندایە پەرەیپێبدەن بەرهەمە کشتوکاڵییە جۆراوجۆرەکانن، واتە سەوزە و میوە بە بڕی یەک ملیۆن دۆنم، جۆ بە بڕی 200 هەزار دۆنم، جگە لە نزیکەی پێنج ملیۆن دۆنم گەنم.
ئاماژەی بەوەشکرد، “پلانی ئەمساڵ دەبێتە هۆی بەدەستهێنانی خۆبژێوی لە بەرهەمهێنانی گەنمدا و ئەنجومەنی وەزیران دەنگیداوە بە هەناردەکردنی بەرهەمی زیادەی ساڵی رابردوو کە بە زیاتر لە ملیۆن و نیوێک تۆن، مەزەندەدەکرێت”.
