بەپێی پێشبینییەكانی كەشناسی ئاسمان لەنێوان پەڵەهەور و نیمچە هەور دەبێت و پلەكانی گەرماش بەرزدەبنەوە.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ ئاسمان پەڵەهەور دەبێت لە کاتەکانى ئێوارەدا دەگۆڕێت بۆ نیمچە هەور و، پلەكانی گەرما بە (1 تا 2) پلە بەرزدەبنەوە.
دەربارەی كەشوهەوای سبەینێش دەڵێت، ئاسمان لە نێوان ساماڵ و پەڵەهەور دەبێت، لە کاتەکانى ئێوارەدا دەگۆڕێت بۆ نیمچە هەور و، پلەکانی گەرما بە (2 تا 3) پلە بەرزدەبنەوە.
بەپێی پێشبینییەكان بەرزترین پلەی گەرمای پێشبینیكراوی شارەكان بەمجۆرە دەبن، (هەولێر 16 پلە، سلێمانی 15، دهۆک 15، کەرکوک 19، هەڵەبجە 17، زاخۆ 16، گەرمیان 20، حاج ئۆمەران 5 و سۆران 14 پلەى سیلیزی).
