سەرۆک کۆماری عێراق بە مەبەستی بەشداریکردن لە کارەکانی هەردوو لوتکەی عەرەبی و ئیسلامی بەرەو شانشینی سعودیە بەڕێکەوت.
راگەیاندنی سەرۆکایەتیی کۆماری عێراق بڵاویکردەوە، “ئەمڕۆ شەممە لەتیف رەشید، سەرۆک کۆماری عێراق بە مەبەستی بەشداریکردن لە کارەکانی هەردوو لوتکەی عەرەبی و ئیسلامی لە شاری ریاز بۆ تاوتوێکردنی دۆخی غەززە بەرەو شانشینی سعودیە بەڕێکەوت”.
بەپێی راگەیەندراوەکە، “شاندێک یاوەری سەرۆک کۆمارن کە پێکهاتوون لە فوئاد حسێن، جێگری سەرۆکوەزیران و وەزیری دەرەوە و چەند ئەندامێکی ئەنجومەنی نوێنەران”.
