ئەمڕۆ لە دوو رووداوی هاتوچۆدا لە شاری کەلار دوو کەس برینداربوون کە یەکیان پاسکیلسوار بووە ئەوەی دیکەشیان ماتۆڕسوار.
بەڕێوەبەرایەتیی هاتوچۆی گەرمیان بڵاویکردەوە، “ئێوارەی ئەمڕۆ بەهۆی رووداوێکی هاتووچۆوە لەنێوان ماتۆڕسکیلێک و پاسکیلسوارێک لەگەڕەکی بنگرد پاسکیلسوارەکە برینداربوو کە لەدایکبووی (2012)ە، رەوانەی نەخۆشخانە کرا.
ئاشکراشیکرد، هەر ئەمڕۆ رووداوێکی تری هاتووچۆ لە ترافیکلایتی نزیک کتێبخانەی گشتی لەنێوان ئۆتۆمبێلێکی جۆری نیسان ئەڵتیما و ماتۆڕسکیلێکدا روویدا، بەهۆیەوە لێخوڕی ماتۆڕسکیلەکە لەدایکبووی ساڵی 2005ە، برینداربوو گەیەنرایە نەخۆشخانەی فریاکەوتنی شەهید هەژار.
