بومەلەرزەیەکی بەهێز بە گوڕی 6.9 پلە بە پێوەری رێختەر دەریای پاندای لە ئیندۆنیزیا هەژاند.
بنکەی ناوەندی ئەوروپی بۆ بومەلەرزە بڵاویکردەوە، بومەلەرزەکە لە قوڵایی 640 کیلۆمەتر روویداوە.
لەدوای بومەلەرزە بەهێزەکەی ئیندۆنیزیا مەترسی دروستبوونی تسۆنامی لە وڵاتەکەدا هەیە.
ئیندۆنیزیا دەکەوێتەوە سەر پشتێنەی ئاگری چالاکی بومەلەرزە لە زەریای هێمندا، بەو هۆیەوە لە رابردوودا چەندین بومەلەرزە لێیداوە و تسۆنامی لێکەوتووەتەوە.
