نیوەڕۆی ئەمڕۆ جارێکی دیکە دەنگێکی بەهێز لە شاری هەولێر بیسترا و تا ئێستا دەزگا ئەمنییەکانی شارەکە هیچ زانیارییەکیان لەبارەیەوە بڵاونەکردووەتەوە.
پەیامنێری تۆڕی میدیایی ئێستا گواستییەوە، نیوەڕۆی ئەمڕۆ دەنگێکی بەهێز لە شاری هەولێر بیستراوە کە هاوشێوەی ئەو دەنگە بووە کە بەرەبەیانی ئەمڕۆ لە شارەکە هاتووە.
بەپێی زانیارییەکان، زەنگی ئاگادارکردنەوەی کونسوڵخانەی ئەمریکا لە هەولێر لێدراوە.
تا ئێستا دەزگا ئەمنییەکان هیچ زانیارییەکیان لەبارەی دەنگەکە ئاشکرانەکردووە، کە ئایا دیسان هێرشی درۆنی بووە یان پەیوەندی بە رووداوی دیکەوە هەیە.
